Angliyada oliy ta’lim
Angliya universitetlarida bakalavriat — 3 yil, magistratura — 1 yil. O‘qish qancha turishi, qanday IELTS kerakligi, 11-sinfdan keyin qanday kirish va talaba vizasini olish haqida rasmiy manbalardagi raqamlar bilan aytib beramiz.
Buyuk BritaniyaTAS
Toshkent
LHR
London
Nega · Buyuk Britaniya
Angliyada bakalavriat dasturlarining aksariyati 3 yil, magistratura esa 1 yil davom etadi. «4 + 2» sxemasiga nisbatan bu o‘qish va yashash xarajatlari ikki yilga kam degani. Ko‘p universitetlarda kompaniyada bir yillik amaliyot (placement year) bilan variant ham bor.
University of Southampton — Russell Group asoschilaridan biri, Guardian University Guide 2027 reytingida Buyuk Britaniyada 18-o‘rin. Loughborough University — shu reytingda 9-o‘rin va QS World University Rankings 2027 bo‘yicha dunyoda 203-o‘rin. Aston va Hull ta’lim sifatini milliy baholash — TEF 2023 da eng yuqori Gold bahosini olgan.
Talaba vizasi bilan bakalavriat va magistraturada semestr davomida haftasiga 20 soatgacha, ta’tilda esa to‘liq kun ishlash mumkin. Foundation va bakalavriatdan quyi boshqa dasturlarda — haftasiga 10 soatgacha.
Bakalavriat va magistratura bitiruvchilari Graduate visa bilan mamlakatda qolib, ishlashi yoki ish qidirishi mumkin: 2027-yil 1-yanvardan topshirilgan arizalar uchun 18 oy, PhD’dan keyin — 3 yil.
University of Lancashire O‘zbekistondan kelgan talabalar uchun to‘lovni avtomatik ravishda yiliga £2 000 ga kamaytiradi. Boshqa universitetlarda ham stipendiyalar bor: Aston’da — £10 000 gacha, LSBU’da — yuqori baholar uchun yiliga £2 000. Bular qisman chegirmalar: butunlay bepul o‘qish kamdan kam uchraydi.
Hayot eng qimmat bo‘lgan Londondan tortib Birmingem, Xall, Sanderlend va Prestongacha. Viza uchun Londonda har bir oyga £1 570, boshqa shaharlarda £1 203 ko‘rsatish kerak (2026-yil 30-noyabrdan).
Ta’lim darajalari
Yosh — tavsiya etilgan: shu oraliqda o‘zbekistonlik talabalarning qabul va viza jarayoni eng yaxshi o‘tadi. Yoshingiz kattaroq bo‘lsa — yozing, holatingizni ko‘rib chiqamiz.
Foundation
Foundation o‘rniga ba’zi universitetlar O‘zbekistondagi universitetda 1 yil o‘qiganlarni ham 1-kursga qabul qiladi — masalan, LSBU va University of Lancashire (60% yoki «qoniqarli» bahodan).
Bakalavriat
Magistratura
Asosiy qabul — sentyabrda, ayrim dasturlarga yanvarda ham.
Universitetlar · Buyuk Britaniya
Sautgempton · Davlat tadqiqot universiteti, Russell Group a’zosi
Buyuk Britaniyaning yetakchi tadqiqot universitetlari birlashmasi — Russell Group asoschilaridan biri. Biznes, iqtisodiyot, huquq, kompyuter fanlari, muhandislik va tibbiyot. Asosiy kampus Highfield — Angliyaning janubiy sohilidagi Sautgemptonda.
Talablar
IELTS 6.5, har bir qismi 6.0 dan past emas (masalan, BSc Business Management). 11-sinfdan keyin — International Foundation Year (OnCampus Southampton): o‘rtacha bahosi 5 dan 4 va undan yuqori attestat hamda IELTS 5.5 dan. Magistratura uchun CAS depoziti — £2 000.
Chegirmalar va grantlar
Xorijliklar uchun — 75th Anniversary Excellence Scholarships (bakalavriat va magistratura) hamda fakultetlarning Dean of Faculty Global Talent Awards stipendiyalari. Sizning qabul uchun miqdor va muddatlarni aniqlab beramiz.
Lafboro va London · Davlat tadqiqot universiteti
Angliya markazidagi Lafboro shahrida kampus va ayrim magistratura dasturlari uchun Londonda alohida kampus. Sport yo‘nalishlari, muhandislik va biznes bilan tanilgan: sport bo‘yicha QS fanlar reytingida dunyoda birinchi o‘rinda.
Talablar
IELTS 6.5, har bir qismi 6.0 dan past emas; bakalavriatning ayrim dasturlariga yuqoriroq. Magistratura — yuqori baholi bakalavr diplomi.
Chegirmalar va grantlar
International Scholarship — juda yuqori baholar uchun (A-level bo‘yicha AAA yoki unga teng) bakalavriat birinchi yil to‘lovining 25%, agar UCAS’da Loughborough birinchi tanlov bo‘lsa.
Birmingem · Davlat universiteti
Buyuk Britaniyaning ikkinchi yirik shahri — Birmingem markazidagi universitet. Amaliyotga katta e’tibor beradi: bakalavriatning ko‘p dasturlarida kompaniyada bir yillik ish bor. Aston Business School biznes maktabi uch tomonlama akkreditatsiyaga ega.
Talablar
Dasturga qarab IELTS 6.0–6.5 (muhandislik — 6.0, biznes maktabi magistraturasi — 6.5). Maktabdan keyin — NCUK International Foundation Year. MSc International Business yanvar, aprel va sentyabrda boshlanadi.
Chegirmalar va grantlar
2026-yilgi qabulda: International Community Scholarship — butun bakalavriat uchun £9 000 (ariza va tanlov asosida) yoki magistraturada £4 000 (depozit o‘z vaqtida to‘lansa, avtomatik); Sir Adrian Cadbury Chancellor’s Scholarship — £10 000 (insho asosida). NCUK Foundation’dan keyin — £6 500 chegirma. 2027-yil shartlarini aniqlab beramiz.
Xall va London · Davlat universiteti
Angliya shimolidagi Yorkshirda joylashgan Kingston-apon-Xall shahridagi universitet, 1927-yilda tashkil etilgan. Universitet Xallni mamlakatdagi eng arzon talabalar shaharlaridan biri deb ataydi. Londonda ham kampusi bor.
Talablar
Bakalavriat: IELTS 6.0, har bir qismi 5.5 dan past emas. Magistratura: IELTS 6.5, dasturga qarab har bir qismi 5.5–6.0. CAS uchun depozit — £4 000.
Chegirmalar va grantlar
Hull’ning yiliga £2 000 lik avtomatik chegirmasi bir qator davlatlar uchun amal qiladi, lekin O‘zbekiston bu ro‘yxatda yo‘q. Boshqa stipendiyalarni dasturingiz va qabulingizga qarab tekshiramiz.
Preston · Davlat universiteti (sobiq UCLan)
Sobiq University of Central Lancashire (UCLan): yangi nom Office for Students regulyatori tomonidan 2024-yil dekabrida tasdiqlangan. Asosiy kampus — Angliyaning shimoli-g‘arbidagi Preston shahrida. O‘zbekistonlik talabalar uchun to‘lov avtomatik ravishda yiliga £2 000 ga kam.
Talablar
O‘zbekistondan 1-kursga — xalqaro Foundation yoki O‘zbekistonda bakalavriatning 1-kursidan keyin (60% yoki «qoniqarli» bahodan). Magistratura — xuddi shu minimal bahoga ega bakalavr diplomi. IELTS 6.0, har bir qismi 5.5 dan past emas. CAS uchun depozit — birinchi yil to‘lovining 50%. Magistratura sentyabr va yanvarda boshlanadi.
Chegirmalar va grantlar
Country Group B Scholarship — yiliga £2 000, O‘zbekiston ro‘yxatda bor, avtomatik beriladi. Excellence Scholarship — yuqori baholar uchun birinchi yilga £3 500, u ham avtomatik. Ikkalasi birga — yiliga £5 500 dan oshmaydi.
Sanderlend va London · Davlat universiteti
Asosiy kampus — Angliyaning shimoli-sharqidagi Sanderlendda, Londonda kampus va Gonkongda filiali bor. Bakalavriatning aksariyat dasturlari uchun yagona narx va xorijlik talabalar uchun avtomatik Global Leaders chegirmasi.
Talablar
IELTS — dasturga qarab aniqlaymiz (universitet broshyurasida — 5.5–6.0 dan). CAS uchun depozit — £3 500, qolganini besh qismga bo‘lib to‘lash mumkin. Qabul — sentyabr va yanvarda.
Chegirmalar va grantlar
Global Leaders Scholarship — mos davlatlardan kelgan xorijliklar uchun avtomatik chegirma (Sharqiy Osiyo, Fors ko‘rfazi davlatlari va Yevropa qatnashmaydi). Turli ma’lumotlarga ko‘ra — bakalavriatda yiliga £5 000–6 000; sizning qabul uchun aniq summani tasdiqlaymiz.
London · Davlat universiteti
1892-yilda tashkil etilgan London universiteti, asosiy kampusi — Southwark tumanida. Ushbu ro‘yxatdagi eng arzon bakalavriat. Ko‘p dasturlar Foundation Year bilan variantda ham bor.
Talablar
O‘zbekistondan bakalavriatga — Foundation yoki O‘zbekistondagi universitetning 1-kursidan keyin. IELTS 6.0, har bir qismi 5.5 dan past emas (ayrim dasturlarga — 6.5).
Chegirmalar va grantlar
Vice-Chancellor’s International Merit Award — yuqori baholar uchun (attestatda taxminan 75% va undan yuqori) yiliga £2 000, avtomatik. Global Success Scholarship — birinchi yil uchun £4 000 gacha. Faqat bittasini olish mumkin.
Universitetlar narx va talablarni har yili yangilaydi. Ariza topshirishdan oldin joriy qabul shartlarini universitet bilan tekshirib, aniq summani aytamiz. Ma’lumotlar tekshirilgan:
Byudjet
Ushbu ro‘yxatdagi universitetlarning xorijlik talabalar uchun rasmiy narxlari. Aniq summa offer letter’ingizda ko‘rsatiladi.
Narxlar universitet e’lon qilganidek 2026/27 yoki 2027/28 o‘quv yili uchun berilgan va odatda har yili oshadi. Tibbiyot qimmatroq. Universitet stipendiyalari summani kamaytiradi — quyidagi universitet kartochkalariga qarang.
Viza
Viza universitet CAS — o‘qishga qabul qilinganingizni tasdiqlovchi elektron hujjatni bergandan keyin Buyuk Britaniya hukumati saytida onlayn rasmiylashtiriladi. Hujjatlarni yig‘ish va hisobdagi pul yetarliligini tekshirishda yordam beramiz.
Qanday yordam beramiz
Har bir talaba bilan shaxsan ishlaymiz — davlat tanlashdan vizagacha. Har bir qadamni tushuntiramiz va barcha xarajatlarni oldindan aytamiz.
Baholar, ingliz tili, byudjet va maqsadlaringizni ko‘rib chiqamiz va qaysi davlat va universitetlar mos kelishini ochiq aytamiz.
Hujjatlar to‘plamini tayyorlaymiz: attestat yoki diplom tarjimasi, motivatsion xat, tavsiyanomalar, portfolio.
Tanlangan universitetlarga ariza topshiramiz, test va suhbatlarda yordam beramiz, offer letter olamiz.
Moliyaviy hujjatlar va viza anketasida yordam beramiz, turar joy va parvoz bo‘yicha maslahat beramiz.
Savol va javoblar
Boshqa davlatlar
Malayziya
Germaniya
Italiya
Ispaniya
Latviya
Turkiya
BAA (Dubay)
AQSH
Singapur
Janubiy Koreya
XitoyTAS LHR
Raqamingizni qoldiring — konsultant yaqin qabul shartlarini aytib beradi, hujjatlarni tekshiradi va byudjetni hisoblaydi.
